ახალგორის, ერედვის, ქურთის, თიღვის და აჟარის თვითმმართველ ერთეულები აღარ გაუქმდება.
რეგიონული პოლიტიკის, თვითმმართველობის და მაღალმთიანი რეგიონების კომიტეტი თავმჯდომარის ვახტანგ ბალავაძის მიერ ინიცირებული კანონპროექტის თანახმად ცვლილება შედის "ადგილობრივი თვითმართველობის შესახებ" კანონში.
აღსანიშნავია, რომ არსებული რედაქციით თვითმმართველ ერთეულს არ შეუძლია სხვა თვითმმართველი ერთეულის ტერიტორიაზე კომპაქტურად განსახლებულ იძულებით გადაადგილებულ პირებს დამოუკიდებლად და ოპერატიულად გაუწიოს დახმარება სოციალური თუ საყოფაცხოვრებო პირობების გაუმჯობესების მიზნით.
საკანონმდებლო ინიციატივის თანახმად კი ახალგორის, ერედვის, ქურთის, თიღვის და აჟარის თვითმმართველ ერთულებს უფლებები ეზრდებათ და მათ შესაძლებლობა ექნებათ სხვა თვითმმართველი ერთეულის ტერიტორიაზე, სადაც კომპაქტურად არიან განსახლებულების ის პირები, რომლებიც მუდმივად ცხოვრობდნენ ახალგორის, ერედვის, ქურთის, თიღვის და აჟარის თვითმმართველი ერთეულების ტერიტორიებზე განახორციელონ მათ საკუთარი და დელეგირებული უფლებამოსილებისადმი დაქვემდებარებული მხოლოდ ის ღონისძიებები, რომლებიც პირდაპირ უკავშირდება აღნიშნულ პირთა დახმარებას და მათთვის სოციალური და საყოფაცხოვრებო პირობების გაუმჯობესებას, მათი მუდმივი საცხოვრებელ ადგილზე დაბრუნებამდე.
შეგახსენებთ, რომ ვრცელდებოდა ინფორმაცია, რომ ოკუპირებული ტერიტორიებიდან დევნილი თვითმმართველი ერთეულები შეიძლება გაუქმებულიყო.
