უნივერისტეტებისთვის გადაცემული ქონების შემდგომ გასხვისებას არ გამორიცხავს. განათლებისა და მეცნიერების მინისტრის დიმიტრი შაშკინის თქმით, გადაცემული კონების გასხვისების მიზნობრიობა რეგენტთა საბჭოსთან შეთანხმდება.
"სახელმწიფო უნივერსიტეტებს იურიდიული სტატუსი ეცვლებათ. თუ ადრე სახელმწიფო უნივერსიტეტი იყო სსიპ-ის სტატუსით, კანონპროექტის თანახმად, უნივერსიტეტები საჯარო სამართლის იურიდიული პირიდან, კერძო სამართლის იურიდიულ პირებად ჩამოყალიბდებიან. უნივერსიტეტებს ეძლევათ საშუალება შექმნან ფონდები და სახელმწიფოს ქონება უნივერისტეტებს გადასცენ. იმისათვის, რომ შემდგომ ამ ქონების არამიზნობრივი გასხვისება არ მოხდეს, სახელმწიფო რეგენტთა საბჭოს ქმნის, რომელთანაც სახელმწიფოს მიერ გადაცემული ქონების შესაძლო გასხვისების შესახებ, უნდა შეთანხმდეს. უნივერისტეტები ამით უფრო ავტონომიურები და დამოუკიდებლები ხდებიან და ეძლევათ საშუალება აწარმოონ დამოუკიდებელი პროექტები", - განაცხადა დიმიტრი შაშკინმა.
შაშკინი ამბობს, რომ რეორგანიზაციის შემდგომ მინისტრს არ ექნება უფლება უნივერსისტების შესამოწმებლად გენინსპექცია გაგზავნოს, ისინი საგადასახადოს მიერ იქნებიან შემოწმებულნი.
"განათლების სამინისტრო იტოვებს უფლებას, რომ სახელმწიფო უნივერსიტეტებს დებულება დაუმტკიცოს და დანარჩენი ყველა საკითხი გადადის მათ კომპეტენციაში"- აცხადებს დიმიტრი შაშკინი.