საპარლამენტო უმრავლესობის წევრის, იურიდიულ საკითხთა კომიტეტის თავმჯდომარის, პავლე კუბლაშვილის განცხადებით, ხელისუფლებას არავის დაშინებისა და ხელების გადაგრეხის ინტერესი არ აქვს. ამის შესახებ კუბლაშვილმა დღევანდელ პლენარულ სხდომაზე "ქრისტიან-დემოკრატების" წევრის, ლევან ვეფხვაძის გამოსვლის საპასუხოდ განაცხადა.
"ჩვენი ინტერესი არც არავის დაშინებააა და არც ხელების გადაგრეხა. ჩემი თხოვნა იქნება, მართლაც იფიქროთ იმაზე, რომ არ არის აუცილებელი სახელმწიფოს დასუსტება. ასეთ შემთხვევაში ჩავწეროთ, რომ სახელმწიფოს არ შეუძლია ჰყავდეს წარმომადგენელი არ სასამართლოში არც არბიტრაჟში და ეს უფრო ლოგიკური იქნება? მაშინ ვეღარ დასდებენ ბრალს, რომ სახელმწიფო ბიზნესზე, სასამრთლოზე და სხვაზე ზეწოლას ახორციელებს", - აღნიშნა კუბლაშვილმა.
მისი თქმით, მათი მიზანია სახელმწიფოს წარმომადგენლობის კვლიფიციურობა და ეს მიზანი მიიღწევა იმ გზით, რომელიც კანონპროექტში წარმოდგენილი.
შეგახსენებთ, რომ პლენარულ სხდომაზე დებატები "საქართველოს ზოგიერთ საკანონმდებლო აქტში" ცვლილების შეტანასთან დაკავშირებით მიმდინარეობდა, რომელიც ვეფხვაძის სხდომათა დარბაზიდან გაძევებით დასრულდა.
კანონპროექტის თანახმად, სახელმწიფოს წარმომადგენლების სასამართლო განხილვაში ჩაერთვას ითვალისწინებს, თუ დავის საგანს 500 000 ლარი წარმოადგენს. მოქმედი კანონმდებლობით, დავაში ჩართვა სახელმწიფო მოხელს მხოლოდ მაშინ შეეძლო, თუ დავის საგანი ერთ მილიონ ლარს შეადგენდა.
