აღნიშნული მოთხოვნა ჩახვაძემ დღეს, გარემოს დაცვისა და ბუნებრივი რესურსების და დარგობრივი ეკონომიკისა და ეკონომიკური პოლიტიკის კომიტეტების გაერთიანებულ სხდომაზე "ქონების ლეგალიზების შესახებ" კანონპროექტის მეორე მოსმენით განხილვისას დააყენა.

დეპუტატის თქმით, კანონპროექტის თავდაპირველ ვარიანტში საუბარი იყო, რომ ქონების ლეგალიზება საქართველოს რეგიონებშიც მოხდებოდა, სადაც აღნიშნული პრობლემა მწვავედ დგას.

ასევე ჩახვაძე დაინტერესდა, რატომ მოხდა ერთ კვადრატულ მეტრზე 10 ლარიანი საფასურის 15 ლარამდე გაზრდა.

კანონპროექტის ერთ-ერთი ავტორის, დეპუტატი ლაშა თორდიას განმარტებით, აღნიშნული კანონის საქართველოს მთელ ტერიტორიაზე განსახორციელებლად საკმარის რესურსი არ არის, ამიტომ თავდაპირველად ქონების ლეგალიზება თბილისში პილოტურად დაიწყება.

რაც შეეხება საფასურის გაზრდა, თორდიას თქმით, აღნიშნული გამოწვეულია იმ გარემოებით, რომ დედაქალში სასოფლო-სამეურნეო მიწების ღირებულება რეგიონთან შედარებით მაღალია.

კანონპროექტის თანახმად, პირებს, რომლებსაც 2007 წლის 1 იანვარამდე კანონდარღვევით შედგენილ დოკუმენტებით (მიწის რეფორმის კომისიის მიერ გაცემული მიღება-ჩაბარების აქტი, მებაღეობის ამხანაგობის მიერ გაცემული წიგნაკი, ამონაწერი საჯარო რეესტრიდან) აქვთ შეძენილი დედაქალაქში სასოფლო-სამეურნეო მიწები შეუძლიათ ლეგალიზაცია მოახდინონ.

ლეგალიზაციის განმახორციელებელ ორგანოს საჯარო რეესტრის ეროვნული სააგენტო წარმოადგენს, თუმცა პირს კანონდარღვევით შეძენილი სასოფლო-სამეურნეო მიწის ერთ კვადრატულ მეტრში 15 ლარის გადახდა მოუწევთ.

პირები ვინც ლეგალიზაციას მოახდენენ მათზე სისხლისსამართლებრივი დევნა აღარ დაიწყება, ხოლო თუ დაწყებულია ასეთ შემთხვევაში დევნა შეწყდება.

აღნიშნული კანონო პილოტური წესით პირველ ეტაპზე დედაქალაქში 2011 წლის 1 აპრილიდან ამოქმედება, ხოლო 2013 წლის 1 იანვრამდე იუსტიციის სამინისტროს საჯარო რეესტრის ეროვნულ სააგენტოსთან ერთად დაევალება კანონის ამოქმედება ქვეყნის სხვა რეგიონებშიც უზრუნველყოს.