პროექტის კორდინატორის ცნობით, აღნიშნული პროგრამა 2007 წლიდან ხორციელდება და მასში ჩართულმა ბანკებმა ( „თიბისი ბანკი", „ბაზისბანკი", „ქართუ" და „რესპუბლიკა") კუთვნილი 10,4 მლნ აშშ დოლარიდან 5,6 მლნ აშშ დოლარი, 2008 წლის კრიზისამდე აითვისეს, შემდეგ კი შეწყვიტეს, რადგან ეკონომიკური აქტივობის შემცირების პარალელურად საკრედიტო პირობების დაკმაყოფილება შეუძლებელი გახდა. მსოფლიო ბანკთან გაფორმებული ხელშეკრულების თანახამად სესხის მოზნობრიობა იყო საინვესტიციო პროექტის დაფინანსება და შესაბამისად კრიზისამდე ძირითადი საშუალებების შესაძენად გაიცემოდა.

ეს შეზღუდვა არ ეხება მოკროსაფინანსო სექტორს და შესაბამისად სესხები სხვადასხვა მიზნით, მათ შორის საბრუნავი საშუალებების შესყიდვისთვისაც გაიცემოდა.

გამოთავისუფლებულ 4 მლნ აშშ დოლარს პროქეტში ჩართული 4 მიკროსაფინანსო ორგანიზაცია ("კრედო", "ფინკა", "ფინაგრო" და "ლაზიკა კაპიტალი") მიიღებს. მათ თანხა პროექტის დასრულებამდე, პირველ ივლისამდე უნდა აითვისონ.

მიკროსაფინანსო ორგანიზაციების მიერს ამ დროისთვის უცხოურ ვალუტაში 4,1 აშშ დოლარის ოდენობის, ლარში კი 5,4 ლარის სესხია გაცემული.

2008 წლის აგვისტომდე კი პროექტის ფარგლებში კომერციული ბანკების დაკრედიტებით 23 კომპანიამ მათ შორის "კოდამ", "სავანეთმა", "კუმისმა", "თბილღვინომ", "თელვის ღვინის მარანმა", „ბადაგონმა" ისარგებლა.

RDP-ის დაფინანსების ხელშეკრულებები 2005 წელს გაფორმდა იმპლემენტაცია კი 2007 წელს დაიწყო.

RDP-ის ფარგლებში ბანკების და მიკროსაფინანსო ორგანიზაციებისთვის 16,2 მლნ აშშ დოლარის ოდენობის 10 წლიანი ვადიანობის შეღავათიანი (ლიბორ+2%) კრედიტი გამოიყო.საცალო ბაზარზე სესხის განაკვეთები 18-36%-ის ფარგლებშია