საქართველოში პენსიების გაზრდის გადაწყვეტილების მიღება ქვეყანაში პროდუქტებზე ფასების მატებასა და ინფლაციურ პრობლემებს უკავშირდება.
ამის შესახებ დღეს, ტრადიციულ ბრიფინგზე საქართველოს პრეზიდენტის პრეს-სპიკერმა მანანა მანჯგალაძე განაცხადა.
"პენსიების გაზრდის შესახებ გადაწყვეტილება საქართველოს მთავრობამ გასული დღეების განმავლობაში გამართული კონსულტაციების შედეგად მიიღო, რომელიც გუშინ პრეზიდენტმა გააჟღერა რუსთავში პენსიონერებთან შეხვევდის დროს. კერძოდ კი, 2011 წლის 1 სექტემბრიდან საბაზისო პენსიის რაოდენობა საქართველოს მთელ ტერიტორიაზე 100 ლარს გაუტოლდება, რასაც ემატება დანამატი სტაჟისა და დამსახურების მიხედვით. ამასთან, სოცილურად დაუცველი მოქალაქეებისთვის, კონკრეტულად კი პენსიონერებისთვს სოციალური პაკეტი შენარჩუნებული იქნება. ამგვარი გადაწყვეტილება ნაკარნახევია იმ პროცესებით, რომელსაც ადგილი აქვს მთელ მსოფლიოში, სხვადასხვა სახის პროდუქტებზე ფასების მატებასთან დაკავშირებით და ზოგადად იმ ინფლაციურ პროცესებით, რომელიც შეეხო ჩვენს ქვეყნას", - აღნიშნა მანჯგალაძემ.
მისივე თქმით, აღნიშნული გადაწყვეტილება ასევე უკავშირდება კონკრეტული ნაბიჯების გადადგმას იმ დანაპირების შესასრულებლად, რასაც 100 დოლარიან საპენსიო პაკეტი ჰქვია.
"მნიშვნელოვანია, რომ ამ გადაწყვეტილების საფუძველზე დისბალანსი, რომელიც აქამდე არსებობდა თბილისა და რეგიონების პენსიონერბის ანაზღაურების შორის აღარ იარსებებს და ისინის ერთნაი საბაზისო საპენსიო თანხას მიიღებენ. ეს კი ნიშნავს, რომ თბილისიელ პენსიონერებისთვის საბაზისო პენსია 10 ლარით, ხოლო რეგიონებში 20 ლარით მოიმატებს", - დასძინა პრეზიდენტის პრეს სპიკერმა.
