საქართველოს საგარეო საქმეთა მინისტრის პირველი მოადგილის ნიკოლოზ ვაშაკიძის შეფასებით, ოკუპირებულ ტერიტორიებზე რუსული სამხედრო ქალაქების მშენებლობა "კარგზე არაფერზე მეტყველებს".
როგორც ვაშაკიძემ "ჯი-ეიჩ-ენს" განუცხადა, აღნიშნული რუსეთის ფედერაციის აგრესიულ განწყობებსა და გეგმებზე კიდევ ერთხელ მიუთითებს, რის გამოც, ქართული მხარე საერთაშორისო თანამეგობრობის ინფორმირებას მოახდენს.
"საქართველოს ოკუპირებულ ტერიტორიებზე სამხედრო აღმშენებლობა კარგზე არაფერზე მეტყველებს. ამ ფაქტებზე ქართული მხარე სისტემატურად ამახვილებს ყურადღებას და საერთაშორისო თანამეგობრობასაც ვაწვდით შესაბამის ინფორმაციას. აფხაზეთსა და ცხინვალში რუსეთის სამხედრო აღმშენებლობა მეტყველებს ფედერაციის აგრესიულ განწყობებსა და გეგმებზე, რასაც ბუნებრივია, ჩვენ მკაცრად ვგმობთ", - განუმარტა გრიგოლ ვაშაძის პირველმა მოადგილემ "ჯი-ეიჩ-ენს".
შეგახსენებთ, რომ აფხაზეთსა და ცხინვალის რეგიონში რუსული სამხედრო ქალაქები ინტენსიურად იხსნება.
