ეკონომკის არსებული ზრიდს ტემპი მთავრობისთვის მოულოდნელი აღმოჩნდა და მიღებული ზედმეტი შემოსავლებით ქვეყნის პრეზიდენტი პენსიების ზრდას გეგმავს.
"წელს ბიზნესი იზრდება უფრო ჩქარა, ვიდრე ჩვენ წარმოდვედგინა. იანვარში ეკონომიკური ზრდა 10 %-ია, რაც ნიშნავს, რომ ცოტათი მეტი შემოსავალი გაგვიჩნდა, რაც პენსიონერებში უნდა დავხარჯოთ. თანაც არ უნდა გავაჩეროთ ინფრასტრუქტურული პროექტები, არც გზების მშენებლობა და არც ტურისტული ინფრასტრუქტურის რესტავრაცია", - აცხადებს საქართველოს პრეზიდენტი რუსთავში, პენსიონერებთან შეხვედრისას.
სააკაშვილი აცხადებს, რომ სოფლის მეურნეობის დარგში თანხის ჩადება გაგრძელდება.
"სოფლის მეურნეობაში შეგვიძლია წელიწად-ნახევარში წარმოება მინიმუმ გავაორმაგოთ. საქართველოში სოფლის მეურნეობაში თეორიულად მოსავლის 27-48-ჯერ გაზრდაც შეიძლება, რაც ეკონომიკური ზრდის მეორე წყაროა", - აღნიშნა პრეზიდენტმა.