ოსი სეპარატისტები იმედოვნებენ, რომ უახლოესი სამი წლის განმავლობაში ახალ საუნივერსიტეტო კომპლექსს ააშენებენ. განცხადება ამის შესახებ ოს სპერატისტთა ლიდერისა და ე. წ. მთავრობის პრესსამსახურის უფროსმა ვიაჩესლავ სედოვმა გააკეთა.
"საუბარი მიდის არა მხოლოდ უნივერსიტეტზე, როგორც მხოლოდ სასწავლო დაწესებულებაზე, არამედ ეს იქნება ერთგვარი სამეცნიერო-კვლევითი ცენტრი რომელიც აღჭურვილი იქნება მსოფლიოს სტანდარტების დონეზე ლაბორატორიებითა და აუდიტორიებით, სტუდქალაქებითა და სპორტული მოედნებით, კონფერენც და კინოდარბაზებით", - აცხადებს სედოვი.
მისი თქმით, კომპლექსის პროექტირენა უკვე მიმდინარე წელს დაიწყება, ხოლო 2012 წელს მშენებლობის პირველი ეტაპის დასრულება იგეგმება.
"ამ პროგრამის განხორციელებისათვის და ამ სამუშაოს ჩასატარებლად სამხრეთ ოსეთის განვითარების ხელშეწყობის საინვესტიციო პროგრამისათვის უნდა გამოიყოს 150 მილიონი რუბლი", - განაცხადა სედოვმა.
