კავკასიელებსა და რუსებს შორის მოსკოვში მომხდარი ჩხუბის ბოლო მონაწილე რამაზან უტარბიევი დააპატიმრეს. 21 წლის ახალგაზრდა, რომელიც ეროვნული შუღლის გაღვივებაში რუს ნაციონალისტებს ადანაშულებდა, მახაჩკალაში აიყვანეს. უტარბიევი 6 დეკემბერს მომხდარ ჩხუბში მონაწილეობდა, რომლის დროსაც "სპარტაკის" ფანკლუბის წევრი იგირ სვირიდოვი მოკლეს.
უტარბიევი მეგობრებთან ერთად დააპატიმრეს, თუმცა მტკიცებულებების არარსებობის გამო გაათავისუფლეს, რასაც ნაციონალისტების საპროტესტო გამოსვლები და მანეჟის მოედანზე მომხდარი არეულობა მოჰყვა.
რამაზან უტარბიევმა მოგვიანებით ვიდეომიმართვაც გაავრცელა და ირწმუნებოდა, რომ ჩხუბი რუსი ნაციონალისტების მიერ იყო ინიცირებული.
