2011 წლის სახელმწიფო ბიუჯეტის პარამეტრები გარემოს დაცვის სამინისტროს რეორგანიზაციის საკითხის პარლამენტში მეორე მოსმენით განხილვის შემდეგ დაზუსტდება. ამის შესახებ დღეს ბიუროს სხდომის დასრულების შემდეგ მთავრობის საპარლამენტო მდივანმა გია ხუროშვილმა განაცხადა.
მისი თქმით, მიმდინარე წლის ბიუჯეტში ცვლილების გარემოს დაცვის სამინისტროდან გარკვეული უფლებამოსილებების ენერგეტიკისა და ბუნებრივი რესურსების სამინისტროზე, ასევე სოფლის მეურნეობის სამინისტრო და საჯარო რეესტრზე გადანაწილების გამო ხდება.
"მას შემდეგ, რაც გარემოს დაცვის სამინისტროს რეორგანიზაციის საკითხს პარლამენტი მეორე მოსმენით განიხილავს ბიუჯეტის პარამეტრები დაზუსტდება, რადგან, შესაძლოა, კანონპროექტში რაიმე კორექტურურა შევიდეს", - განმარტა ხუროშვილმა.
