დღეს 15.00 საათზე თბილისის საკრებულოს ქრისტიან-დემოკრატმა წევრმა, ადამიანის უფლებების დაცვის კომისიის თავმჯდომარის მოადგილემ ზაზა გაბუნიამ საკრებულოში პრეს-კონფერენცია გამართა, რომლის თემა გ. ნათაძის სახელობის სანიტარიისა და ჰიგიენის სამეცნიერო კვლევითი ინსტიტუტის მიერ 2010 წელს ჩატარებული კვლევის დსკვნა იყო, რომლითაც აღმოსავლეთ საქართველოს 22 ქალაქში, მათ შორის თბილისში სასმელ წყალში ანთროპოგენური და მიკრობული დაბინძურება დასტურდება.
"მოვითხოვთ სურსათის უვნებლობის სამსახურისაგან, როგორც ერთადერთი პასუხისმგებელი სუბიექტისაგან განმარტებებს ნათაძის სახელობის ინსტიტუტის მიერ ჩატარებულ კვლევაზე. კერძოდ, არის თუ არა სასმელი წყალი ეპიდემიური თვალსაზრისით უსაფრთხო, ქიმიური შემადგენლობის მიხედვით უვნებელი და მოხმარებისათვის კეთილსასურველი", _ განაცხადა გაბუნიამ.
დღესვე ზაზა გაბუნიამ აღნიშნული შეკითხვებით სურსათის უვნებლობის სამსახურს წერილობითად ზემოთ აღნიშნულ დასკვნასთან ერთად მიმართა.
