"თიბისი ბანკმა" „ჰიუნდაისთან" ერთად საგაზაფხულო აქცია დაიწყო. აქციის ფარგლებში ავოტომობილების შეძენა ყველაზე დაბალპროცენტიანი სესხით იქნება შესაძლებელი.
„ჰიუნდაის" ცენტრში, ავტოგანვადების წლიური საპროცენტო განაკვეთი 12,2%-მდეა, მსესხებლის თანამონაწილეობა კი 20%-დან განისაზღვრება, რაც ბაზარზე ყველაზე დაბალია (ბაზარზე განაკვეთი 16%-ია, თანამონაწილეობა 30%). ამასთან მყიდველი ავტომობილის 6-თვიანი დაზღვევით დასაჩუქრდება.
„ჰიუნდაის" ცენტრში 7 მარტს გამართულ პროდუქტის პრეზენტაციაზე, ბანკის ვიცე-პრეზიდენტმა ნინო მასურაშვილმა განაცხადა, რომ აღნიშნული მიმართულებით ბანკი უფრო გააქტიურდება, მსგავსი აქციები სხვა ავტოდილერებთან ერთობლივადაც არის დაგეგმილი.
აქციის ფარგლებში 20%-იანი თანამონაწილეობისას 16-თვიანი განვადება უპროცენტოა. ასევე მოდელს I 10 „თიბისი ბანკის" გარდა სხვა ბანკის განვედებით ბერ შეიძენს.
ასევე აქციის ფარგლებში „თიბისი ბანკი" მამაკაცებს მანდილოსნებისთვის სასაჩუქრე ავტომობილების შესყიდვისას დამატებით სერვისს სთავაზობს. ქალბატონებს შეფუთულ საჩუქარს სახლში მიართმევენ.
პარალალურად გრძელდება „თიბისი ბანკის" და „მეგა ავტოს" ერთობლივი აქცია და ავტომობილები 0%-იანი განვადებით იყიდება. ბანკის მენეჯმენტი მსგავს აქციებს მალე სხვა ავტოსალონებთან ერთობლივათაც დაიწყებს, სადაც ამ დროისთვის განვადების საპროცენტო განაკვეთი 16%-მდეა.
მეორადი ავტომობილების შესაძენი ავტოსესხი კი 18%-დან 36%-მდე განისაზღვრება.
