ზაპოროჟიეს ოლქის დაბა კომიშუვახაზე რუსეთის თავდასხმის შედეგად დაღუპულთა რაოდენობა 37-მდე გაიზარდა. სამძებრო-სამაშველო სამუშაოები ადგილზე კვლავ გრძელდება. ამის შესახებ ზაპოროჟიეს საოლქო სამხედრო ადმინისტრაციის ხელმძღვანელმა მიხაილო სემიკინმა განაცხადა.
მისი ინფორმაციით, სამაშველო ოპერაციაში მონაწილეობენ კინოლოგები და უკრაინის საგანგებო სიტუაციების სახელმწიფო სამსახურის დანაყოფები.
რუსეთმა კომიშევუხაში მდებარე სკოლას, სადაც ჰუმანიტარული ცებტრი იყო გაბთავსებული, 2 ნოემბერს მიზანმიმართული ავიაიერიში მიიტანა. შენობაში ადგილობრივი მოსახლეობისთვის ჰუმანიტარულ დახმარებას არიგებდნენ. თავდასხმის დროს ადამიანები თავშესაფარში იმყოფებოდნენ, რის შემდეგაც რუსულმა ძალებმა განმეორებითი დარტყმა მიიტანეს - უშუალოდ თავშესაფარს ცხრა ავიაბომბით დაესხნენ თავს.
მანამდე ვრცელდებოდა ინფორმაცია 31 დაღუპულის შესახებ, მათ შორის ორი მაშველისა და ოთხი პოლიციელის. ასევე, ცნობილი იყო ხუთი დაშავებულისა და 48 უგზო-უკვლოდ დაკარგულის შესახებ.
კომიშუვახაზე რუსეთის თავდასხმის შედეგად დაღუპულთა ხსოვნის პატივსაცემად ზაპოროჟიეს ოლქში სამდღიანი გლოვა გამოცხადდა, რომელიც 3-დან 5 ნოემბრის ჩათვლით გაგრძელდება.
