ზაპოროჟიეზე 10 ოქტომბერს დილით რუსეთის მიერ განხორციელებული საჰაერო დარტყმების შედეგად 11 ადამიანია დაღუპული. მათ შორის სამი ბავშვია.
ამის შესახებ უკრაინული მედია ზაპოროჟიეს ოლქის თავდაცვის საბჭოს ხელმძღვანელ ივან ფიოდოროვზე დაყრდნობით იუწყება.
ეძებენ რამდენიმე ადამიანს. საოლქო სამხედრო ადმინისტრაციას არ დაუზუსტებია, რამდენი ადამიანი მიიჩნევა დაკარგულად.
ნანგრევებში ადამიანების ძებნა გრძელდება.
10 ოქტომბერს დილით რუსებმა ზაპოროჟიეში მართვადი საავიაციო ბომბებით ხუთსართულიან საცხოვრებელ კორპუსს დაარტყეს.
რუსეთის თავდასხმის შედეგად დაღუპულთა ხსოვნის პატივსაცემად 11 ოქტომბერი ზაპოროჟიეში გლოვის დღედ გამოცხადდა.
