ნატო-ს გენერალურმა მდივანმა მარკ რუტემ განაცხადა, რომ ალიანსის ტერიტორიაზე დრონების შეჭრის შემთხვევები საფრთხის ხასიათის ცვლილებაზე მიუთითებს.
რუტემ ამის შესახებ ლიეტუვაში გამართულ პრესკონფერენციაზე განაცხადა. მისი თქმით, ორი კვირის წინ ნატო-ს ავიაგამანადგურებლებმა ლიეტუვის საჰაერო სივრცეში დრონი ჩამოაგდეს.
„ჩვენი აღმოსავლეთი ფლანგის გასწვრივ დრონებთან დაკავშირებულმა განმეორებითმა ინციდენტებმა საფრთხის ხასიათის ცვლილება აჩვენა, ჩვენ ინტეგრირებულ საჰაერო და სარაკეტო თავდაცვის სისტემას ვაძლიერებთ“, - განაცხადა ნატოს გენერალურმა მდივანმა.
რუტეს თქმით, ნატო დრონებთან მიმართებით საკუთარ პოზიციას აძლიერებს.
29 სექტემბრის ღამით რუმინეთმა ქვეყნის საჰაერო სივრცის სიახლოვეს საჰაერო სამიზნე დააფიქსირა და სიტუაციის მონიტორინგისთვის გამანადგურებლები ააფრინა. თუმცა, იმ დროს რუმინეთის საჰაერო სივრცის დარღვევის შესახებ ინფორმაცია არ გავრცელებულა.
ამასთან, რუმინეთის თავდაცვის სამინისტრომ მიიღო ინფორმაცია ბრეილას ოლქში ობიექტის ნამსხვრევების აღმოჩენის შესახებ. წინასწარი ინფორმაციით, საუბარია სავარაუდოდ დრონის ნამსხვრევებზე.
