17 სექტემბრის ღამეს რუსეთის რამდენიმე რეგიონზე დრონებით თავდასხმა განხორციელდა.
დონის როსტოვში დარტყმები სამხედრო აეროდრომზე, იაროსლავში კი - ნავთობგადამამუშავებელ ქარხანაზე მოხდა.
ამის შესახებ ASTRA და Exilenova+ იუწყებიან.
ტელეგრამ-არხების მონაცემებით, 17 სექტემბრის ღამეს დონის როსტოვში საჰაერო განგაში გამოცხადდა, რის შემდეგაც ადგილობრივმა მცხოვრებლებმა მასშტაბური ხანძრის ამსახველი კადრების გავრცელება დაიწყეს.
სავარაუდოდ, ხანძარი სამხედრო აეროდრომის ტერიტორიას მოედო. ცეცხლი თვითმფრინავების სადგომის მიმდებარედ გაჩმდა. აღნიშნულ ინფორმაციას OSINT-ანალიზიც ადასტურებს.
ამავე ღამეს დრონების თავდასხმის შესახებ ინფორმაცია გავრცელდა იაროსლავშიც, სადაც, სავარაუდოდ, სამიზნე „სლავნეფტ-იანოსის“ ნავთობგადამამუშავებელი ქარხანა გახდა. საწარმოს ტერიტორიაზე მასშტაბური ხანძარი გაჩნდა.
