აშშ-ის პრეზიდენტმა დონალდ ტრამპმა უკრაინის პრეზიდენტ ვოლოდიმირ ზელენსკის მოუწოდა, შეწყვიტოს რუსეთში დიზელის საწვავის მარაგებზე თავდასხმები. მისი მტკიცებით, მსგავსი დარტყმები მსოფლიოში დიზელის საწვავის დეფიციტს იწვევს.
ტრამპმა ამის შესახებ ირლანდიაში, Doonbeg-ის კლუბში მიმდინარე Irish Open-ის ტურნირის ფარგლებში განაცხადა.
ტრამპს ჰკითხეს, ესაუბრა თუ არა ზელენსკის მას შემდეგ, რაც ცოტა ხნის წინ რუსეთის პრეზიდენტ ვლადიმირ პუტინს ელაპარაკა. პასუხად აშშ-ის პრეზიდენტმა ზელენსკის რუსეთზე დარტყმების შეწყვეტისკენ მოუწოდა.
„ბატონმა ზელენსკიმ ერთი რამ უნდა გააკეთოს. მან უნდა შეწყვიტოს რუსეთში დიზელის საწვავის მარაგების განადგურება.
დაე, მან სამიზნეებს დაარტყას, მაგრამ არა დიზელის საწვავს, რადგან ეს დიზელის საწვავის დეფიციტს იწვევს“, - განაცხადა ტრამპმა.
უნდა აღინიშნოს, რომ ტრამპს პუტინისთვის არ მოუწოდებია, შეწყვიტოს რუსეთის მიერ უკრაინის წინააღმდეგ უკვე მეხუთე წელია მიმდინარე არაპროვოცირებული სრულმასშტაბიანი ომი.
