უკრაინის პრეზიდენტმა ვოლოდიმირ ზელენსკიმ განაცხადა, რომ ბოლო 24 საათის განმავლობაში უკრაინის თავდაცვის ძალებმა რუსეთის ორ ქიმიურ საწარმოს, ტაგანროგში მდებარე რამდენიმე სამხედრო ობიექტსა და შავ ზღვაში არსებულ სამიზნეს დაარტყეს.
ზელენსკის თქმით, უკრაინულმა ძალებმა რუსეთის პერმის და სამარის რეგიონებში მდებარე ქიმიური მრეწველობის საწარმოებს მიაყენეს დარტყმა.
ზელენსკის ინფორმაციით, ტაგანროგში უკრაინის უსაფრთხოების სამსახურის დანაყოფებმა, იერიში მიიტანეს FPV-დრონების მწარმოებელ ქარხანაზე, ნავთობპროდუქტების რეზერვუარზე, რადიოლოკაციურ სადგურსა და „პანცირ-С2“-ის საზენიტო-სარაკეტო ქვემეხების კომპლექსზე.
უკრაინის პრეზიდენტმა ასევე განაცხადა, რომ შავ ზღვაში ერთ-ერთი სამიზნე განადგურდა, თუმცა მისი დეტალები არ დაუკონკრეტებია.
გარდა ამისა, ზელენსკიმ განაცხადა, რომ ბოლო დღეებში განხორციელებული სხვა დარტყმების შედეგებიც დადასტურდა. მისი თქმით, კრასნოდარის მხარესა და როსტოვის ოლქში განადგურდა ერთი Су-33 ტიპის თვითმფრინავი და Ми-8 ტიპის ორი ვერტმფრენი, ხოლო პერმში დარტყმა ნავთობმრეწველობის ობიექტსაც მიადგა.
