აშშ-ის პრეზიდენტმა დონალდ ტრამპმა განაცხადა, რომ ჯერ არ გადაუწყვეტია, მისცემს თუ არა უკრაინას Patriot-ის რაკეტების წარმოების უფლებას, რითაც ეჭვქვეშ დააყენა, დათანხმდება თუ არა ვაშინგტონი კიევის ერთ-ერთ მთავარ პრიორიტეტს.
ამის შესახებ Financial Times იუწყება.
FT-ის ცნობით, ტრამპმა განაცხადა, რომ „დარწმუნებული არ არის“, მისცემს თუ არა ვაშინგტონი უკრაინას Patriot-ის რაკეტების წარმოების ლიცენზიას და დასძინა, რომ ამ საკითხს განიხილავენ.
„ეს უკიდურესად ძლიერი იარაღია და… ჩვენ გარკვეულწილად ფრთხილად უნდა ვიყოთ, ვის ვაძლევთ ლიცენზიას. სინამდვილეში, ჩვენ აღჭურვილობაზე ლიცენზიებს არ გავცემთ“, - თქვა ტრამპმა.
ტრამპის ეს კომენტარები გაკეთდა უკრაინის პრეზიდენტ ვოლოდიმირ ზელენსკისთან თეთრ სახლში გამართული შეხვედრიდან მხოლოდ ორი დღის შემდეგ. ზელენსკიმ შეხვედრას „წარმატებული“ უწოდა და აღნიშნა, რომ ლიდერებმა განიხილეს Patriot-ის რაკეტების წარმოება და რამდენიმე სხვა იდეა“.
ივლისის დასაწყისში, თურქეთში გამართულ ნატო-ს სამიტზე, აშშ-ის პრეზიდენტმა განაცხადა, რომ ვაშინგტონი კიევს Patriot-ის რაკეტების წარმოების ლიცენზიას გადასცემდა.
