თქვენ რა იცით, რომ სამხარაძეს მეგობრულად, თანამშრომლურად, თანაგუნდელობის ეგიდით, მანამდეც არ ვესაუბრებოდი, ამ თემაზე, ან ის არ მესაუბრებოდა რაღაც ემოციის შეკავებაზე, - ასე უპასუხა “ტვ პირველის“ ჟურნალისტის შეკითხვას საქართველოს ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ, გააფრთხილებს თუ არა "ქართული ოცნების" დეპუტატს დიმიტრი სამხარაძეს თავი შეიკავოს იმ შინაარსის სტატუსების წერისგან, რომელსაც აქამდე წერდა.
მდინარაძის თქმით, პრევენციას კანონი უზრუნველყოფს და არა პირადი ემოციები.
"თქვენ რა იცით, რომ დიტო სამხარაძეს მეგობრულად, თამაშრომლურად, თანაგუნდელობის ეგიდით მანამდეც არ ვესაუბრებოდი ამ თემაზე, ან ის არ მესაუბრებოდა რაღაც ემოციის შეკავებაზე. პრევენციას კანონი უზრუნველყოფს. რა და როგორ მეცნიერებაა, მეცნიერების სფეროა, კერძო და ზოგადი პრევენცია არის როგორც სისხლისსამართლებრივი, ასევე სამოქალაქო, ადმინისტრაციულსამართლებრივი კატეგორიები და მას აქვს მეცნიერულ-ფაქტობრივი საფუძვლები.
პირდა ემოციებზე რატომ გადაგაქვთ ხოლმე? უხერხულობას გრძნობს, შეეშინდება, ნაკლებად შეშინდება, კანონს სცემს მეტ პატივს, ვიდრე შიში იქნება დომინანტი მისი პრევენციული ხასიათის მოქმედებში, ეს არის მისი, ნებისმიერი ადამიანის პირადი გადასაწყვეტი ამბავი, კანონის შიში თუ პატივისცემა, რომელი უზრუნვეყოფს იმას, ამაზე რომ ვილაპარაკოთ ჩვენ 65 % პატივისცემა, 35 % შიში, ასე ჩავყვეთ? არასერიოზული გამოვა. ამიტომ, პრევენციას კანონი უზრუნველყოფს, ამ შემთხვევაში სუბიექტური ვიქნებოდი, გავამართლებდი, შეიძლება დღესაც გავამართლო, - თქვა მან.
