რუსეთი ცდილობს საქართველოსთან ურთიერთობების ჩამოყალიბებას პრაგმატიზმისა და თანასწორობის პრინციპებზე დაყრდნობით, ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა მარიამ ზახაროვამ ბრიფინგზე განაცხადა.
„ევროკავშირის წარმომადგენლების თავხედური მცდელობების მიუხედავად, რომ თბილისს თავს მოახვიოს მოსკოვის მიმართ კონფრონტაციული კურსი, ანტირუსული სანქციების დაწესება აიძულონ და საკუთარი ინტერესები დასავლეთის პოლიტიკური შეხედულებების სასარგებლოდ დაათმობინონ, საქართველომ მრავალვექტორული პოლიტიკა აირჩია. ჩვენ ვცდილობთ შევქმნათ ყველა პირობა ჩვენი ხალხების ჰუმანიტარული კონტაქტების განვითარებისთვის, რომლებიც საერთო ღირებულებებით, ხანგრძლივი ისტორიული და კულტურული კავშირებით არის გაერთიანებული,“ - განაცხადა ზახაროვამ.
მისი თქმით, ქვეყნებს შორის ეკონომიკური თანამშრომლობა აქტიურად ფართოვდება. გასულ წელს ორმხრივი სავაჭრო ბრუნვა რეკორდულ 2.7 მილიარდ დოლარს მიაღწია, ხოლო რუსეთიდან ტურისტების რაოდენობა 1.4 მილიონი იყო.
