საპროტესტო მსვლელობის მონაწილეებმა აკრძალვის მიუხედავად, ადგილზე ხმის გამაძლიერებელი აპარატურა მიიტანეს.
აქციის ორგანიზატორები აპარატურის გამოყენებას პარლამენტთან პოლიტიკური გამოსვლების უზრუნველყოფისთვის გეგმავენ, ვინაიდან მათ ადგილზე სცენის მონტაჟის შესაძლებლობა არ მისცეს.
მსვლელობა თსუ-დან რუსთაველის გამზირის მიმართულებით პარლამენტისკენ მიემართება.
ადგილზე იმყოფებიან "ოპოზიციის ალიანსში" შემავალი პარტიების ლიდერები, წევრები და რიგითი მოქალაქეები.
კოალიცია "ცვლილებისთვის" ერთ-ერთი ლიდერის ზურა ჯაფარიძის თქმით, აქცია შედგა, რადგან ქუჩაში ძალიან ბევრი ადამიანი გავიდა.
"ჩემი აზრით, აქცია უკვე შედგა. გზა და გზა ადამიანები გვიერთდებიან და რუსთაველზეც არიან შეკრებილები, როგორც ვიცი. თავისთავად, ეს ამბავი იყო ყველაზე მნიშვნელოვანი. დანარჩენი ტექნიკის ასკითხია, მიმართვები თუ მოხერხდება, გაკეთდება, თუ არადა, 21 საუკუნეა, არავის უჭირს დღეს მოქალაქეებამდე საკუთარი სათქმელი მიტანა, ბოლოს და ბოლოს, ვიდეოებს გადავირებთ, დავდებთ და მოვასმენინებთ მოქალაქეებს", - განუცხადა ზურა ჯაფარიძემ ჟურნალისტებს.
ფოტო: Mo se
