ქართველ ხალხს დამოუკიდებლობის დღეს გულწრფელად ვულოცავ , - ამის შესახებ უკრაინის პრემიერ-მინისტრი იულია სვირიდენკო სოციალურ ქსელში წერს.
„ჩვენს ქვეყნებს ღრმა ისტორიული კავშირები და სუვერენიტეტის, თავისუფლებისა და დემოკრატიული ღირებულებების მიმართ საერთო ერთგულება აერთიანებთ“, - წერს იულია სვირიდენკო X-ზე.
უკრაინის პრემიერ-მინისტრი ქართველ ხალხს მშვიდობასა და კეთილდღეობას უსურვებს.
„ქართველი ხალხი უკრაინის გვერდით იდგა ჩვენი ისტორიის ყველაზე რთულ მომენტებში და ჩვენ ღრმად ვაფასებთ თქვენს მტკიცე მხარდაჭერას მაშინ, როდესაც უკრაინა რუსეთის აგრესიული ომისგან თავის დაცვას აგრძელებს“, - აცხადებს უკრაინის პრემიერ-მინისტრი.
