პოლონეთის საგარეო საქმეთა მინისტრმა რადოსლავ სიკორსკიმ განაცხადა, რომ რუსეთს არ აქვს უფლება უსაფუძვლოდ დაადანაშაულოს ბალტიის ქვეყნები.
მან X-ზე დაწერა, რომ რუსეთის მუქარა პოლონეთის მოკავშირეების მიმართ მიუღებელია.
„რუსეთის მუქარები ჩვენი მოკავშირეების მიმართ მიუღებელია. თქვენ არ გაქვთ უფლება უსაფუძვლოდ დაადანაშაულოთ ბალტიის ქვეყნები. სრულიად აშკარაა, ვინ არის აგრესორი და ვინ - მსხვერპლი. ჩვენ კვლავ მტკიცედ ვიცავთ გაერო-ს ქარტიისა და ატლანტიკური ხელშეკრულების პრინციპებს“, - აღნიშნა სიკორსკიმ.
შეგახსენებთ, რომ ესტონეთის საგარეო საქმეთა სამინისტრომ რუსეთის რუსეთის საქმეთა დროებითი რწმუნებული დაიბარა საპროტესტო ნოტის გადასაცემად, დეზინფორმაციული კამპანიის გამო, რომელიც ბალტიის ქვეყნებს ეხებოდა.
ბალტიის ქვეყნები აცხადებენ, რომ მათ საჰაერო სივრცეში დრონების გამოჩენა პირდაპირი შედეგია რუსეთის უკრაინაზე აგრესიული ომისა, ხოლო უკრაინას აქვს უფლება, დაარტყას რუსეთის ტერიტორიაზე სამხედრო სამიზნეებს.
ამასთან, ლატვიის საგარეო უწყებამაც დაიბარა რუსი დიპლომატი იმ დეზინფორმაციის გამო, თითქოს ქვეყანა უკრაინას საკუთარ ტერიტორიას აძლევს დრონებით შეტევებისთვის.
ევროკავშირის საგარეო პოლიტიკის ხელმძღვანელმა კაია კალასმა დაგნო რუსეთის მუქარები ბალტიის ქვეყნების მიმართ და მათ „სრული სისულელე“ და რუსეთის სისუსტის ნიშანი უწოდა.
