სამართალდამცავი ორგანოების კოორდინაციის საკითხებში სახელმწიფო მინისტრად მამუკა მდინარაძე დაინიშნა.
საქართველოს პრემიერ-მინისტრის, ირაკლი კობახიძის ბრძანებით, მამუკა მდინარაძეს ასევე დაეკისრა ვიცე-პრემიერის მოვალეობის შესრულება.
დოკუმენტს მთავრობის მეთაურმა დღეს მოაწერა ხელი.
მამუკა მდინარაძე სახელმწიფო უსაფრთხოების სამსახურის ხელმძღვანელის თანამდებობას იკავებდა. საკადრო ცვლილების თანახმად, სუს-ის უფროსის თანამდებობა გეკა გელაძემ დაიკავა. პარლამენტმა სუს-ის ხელმძღვანელად გეკა გელაძე 28 აპრილს დაამტკიცა.
