ორი პაკისტანელი ოფიციალური პირის განცხადებით, ირანის საგარეო საქმეთა მინისტრმა აბას არაღჩიმ აშშ-ის წარმომადგენლებთან შეხვედრის გარეშე პაკისტანი დატოვა .
Associated Press-ის ცნობით, მაღალი რანგის პაკისტანელი ოფიციალური პირები ისლამაბადის მახლობლად მდებარე აეროპორტში იმყოფებოდნენ, სადაც მას დაემშვიდობნენ. წტაროებმა ანონიმურად ისაუბრეს, რადგან მედიისთვის კომენტარის გაკეთების უფლება არ ჰქონდათ.
არაღჩიმ მანამდე შეხვედრები გამართა პაკისტანის პრემიერ-მინისტრ შეჰბაზ შარიფთან, ასევე არმიის მეთაურთან ფელდმარშალ ასიმ მუნირთან და სხვა მაღალჩინოსნებთან. განხილვის ერთ-ერთი მთავარი თემა იყო ირანის „წითელი ხაზები“ მიმდინარე მოლაპარაკებებში.
Sky News-ის ინფორმაციით, ირანის საგარეო საქმეთა მინისტრმა, აბას არაღჩიმ ისლამაბადში ვიზიტის დროს პაკისტანში მყოფ შუამავლებს აშშ-ის წინადადებებთან დაკავშირებით საკუთარი მოთხოვნები და ეჭვები გააცნო, თუმცა ამ ეტაპზე უცნობია, რა მოთხოვნებზეა საუბარი.
