საქართველო რეგიონალური გავითარების სტრატეგიისთვის 19 მილიონ ევროს მიიღებს. ეს გადაწყვეტილება საქართველოს რეგიონული განვითარებისა და ინფრასტრუქტურის მინისტრ რამაზ ნიკოლეიშვილისა და ევროკომისარის რეგიონულ საკითხებში იოჰანეს ჰანის ბრიუსელში გამართული შეხვედრის შემდეგ გახდა ცნობილი.
საქართველოსა და ევროკომისიას შორის რეგიონულ პოლიტიკაზე დიალოგი დაიწყო. რამაზ ნიკოლაიშვილი ვიზიტის ფარგლებში ევროკავშირის რეგიონების კომიტეტის მოქალაქეობის, მმართველობის, ინსტიტუციური და საგარეო საქმეთა კომისიის თავმჯდომარეს (CIVEX) ლუკ ვან დენ ბრანდესაც შეხვდა.
იოჰანეს ჰანთან შეხვედრის მიზანი საქართველოსა და ევროკომისიას შორის რეგიონული თანამშრომლობის სფეროში ერთობლივი დეკლარაცია-მემორანდუმის გაფორმება გახლდათ, რომელიც ევროკომისიასა დასაქართველოს შორის რეგიონულ პოლიტიკაზე დიალოგის დაწყებას ითვალისწინებს. გაფორმებული დეკლარაციის ფარგლებში გაზაფხულზე საქართველოში სემინარის ჩატარება დაიგეგმა. აღნიშნულ სემინარში ევროპელ და ქართველ ექსპერტებთან ერთად მონაწილეობას ადილობრივი თვითმაართველობების წარმომადგენლებიც მიიღებენ. შემოდგომაზე კი,ბრიუსელში საქარ თველოს რეგიონების საჯარო მოხელეებისათვის სასწავლო ვიზიტები გაიმართება.
ლუკ ვან დენ ბრანდესთან შეხვედრის დროს მხარეებმა რეგიონული განვითარების სფეროებში თანამშრომლობის პერსპექტივებზე იმსჯელეს. აღმოსავლეთის პარტნიორობის ქვეყნებთან ურთიერთობების გაღრმავების მიზნით ბუდაპეშტში აპრილში დაგეგმილ კონფერენციაში ქართული მხარის მონაწილეობა დაიგეგმა.
