გამოცემა Wall Street Journal-ის ცნობით, მოლაპარაკებებზე მყოფი შეუამავლების თქმით, თეირანს არ მოუთხოვია ირანის ენერგეტიკულ სექტორზე დარტყმების 10 დღით შეჩერება.
ამის შესახებ გამოცემა წყაროებზე დაყრდნობით იუწყება.
Wall Street Journal-ის ცნობით, მოლაპარაკებების შუამავლებმა უარყვეს, რომ თეირანმა ირანის ენერგოსისტემებზე დარტყმების გადადების ვადის გაგრძელება მოითხოვა.
გამოცემის წყაროების ცნობით, ცეცხლის შეწყვეტის მიღწევის წარმატების შანსები დაბალი რჩება, რადგან ირანი და შეერთებული შტატები ორივე მხარისთვის მიუღებელ მოთხოვნებს აყენებენ.
„ირანს მის ენერგეტიკულ ობიექტებზე თავდასხმების 10 დღით შეჩერება არ მოუთხოვია და ჯერ არ გაუცია საბოლოო პასუხი ომის დასრულების 15-პუნქტიან გეგმაზე“, - წერს გამოცემა.
შეგახსენებთ, აშშ-ის პრეზიდენტმა დონალდ ტრამპმა განაცხადა, რომ ირანის თხოვნით, ქვეყნის ენერგეტიკულ ობიექტებზე თავდასხმებს 6 აპრილამდე აჩერებს.
მანამდე, 23 მარტს, ტრამპმა Truth Social-ში დაწერა, რომ თეირანთან „პროდუქტიული“ მოლაპარაკებების შემდეგ, მან ხუთი დღით ირანის ელექტროსადგურებსა და ენერგეტიკულ ინფრასტრუქტურაზე დარტყმების შეჩერების ბრძანება გასცა.
25 მარტს გავრცელდა ინფორმაცია, რომ შეერთებულმა შტატებმა შუამავლების მეშვეობით ირანს გაუგზავნა ომის დასრულების 15-პუნქტიანი გეგმა, რომელიც დიდწილად დონალდ ტრამპის ადმინისტრაციის წინა მოთხოვნებს ეფუძნება.
