20 მარტს, ღამით ქუვეითში, მინა ალ-აჰმადის ნავთობგადამამუშავებელ ქარხანაზე დრონებით თავდასხმა განხორციელდა, რამაც ხანძარი გამოიწვია.
ამის შესახებ ინფორმაციას Reuters ქუვეითის სახელმწიფო ნავთობკომპანიის, KPC- ის განცხადებაზე დაყრდნობით ავრცელებს.
კომპანიის განცხადების თანახმად, რამდენიმე თავდასხმა განხორციელდა, რამდენიმე ობიექტზე გაჩნდა ხანძარი. წინასწარი მონაცემებით, დაშავებულები არ არიან.
