აშშ-ის ცენტრალური სარდლობის (CENTCOM) ცნობით, ხუთშაბათს, დასავლეთ ერაყში აშშ-ის სამხედრო თვითმფრინავი Boeing KC-135 Stratotanker ჩამოვარდა.
„ინციდენტი ოპერაცია „ეპიკური მრისხანების“ დროს მეგობრულ საჰაერო სივრცეში მოხდა და ამჟამად სამაშველო სამუშაოები მიმდინარეობს.
ინციდენტში ორი თვითმფრინავი მონაწილეობდა. ერთი თვითმფრინავი დასავლეთ ერაყში ჩავარდა, მეორე კი უსაფრთხოდ დაეშვა. ეს არ ყოფილა მტრული ან მეგობრული ცეცხლის შედეგი“, - წერს აშშ-ის ცენტრალური სარდლობა.
სარდლობამ აღნიშნა, რომ ინციდენტის დეტალები დაზუსტდება და დამატებითი ინფორმაცია მოგვიანებით გახდება ცნობილი.
.თვითმფრინავის ჩამოვარდნა აშშ-ის სამხედრო ძალების ირანის წინააღმდეგ ოპერაციის დაწყების შემდეგ მორიგი ინციდენტია.
კერძოდ, 1-ელ მარტს, ომის მეორე დღეს, მეგობრული ცეცხლის შედეგად სამი ამერიკული F-15E Strike Eagle გამანადგურებელი ჩამოვარდა.
CENTCOM-მა შემდეგ განმარტა, რომ თვითმფრინავები შეცდომით ქუვეითის საჰაერო თავდაცვის სისტემამ ჩამოაგდო.
ირანის ტერიტორიაზე აშშ-ისრაელის ერთობლივი დარტყმების დაწყებიდან შვიდი ამერიკელი სამხედრო მოსამსახურე დაიღუპა და დაახლოებით 150 დაიჭრა.
