ერთი რამ, რაზეც ჩვენ შეგვიძლია ცალსახად გითხრათ, რომ შევჯერდით არის ის, რომ დიალოგი აუცილებლად გაგრძელდება, რაიმე კონკრეტული გადაწყვეტილება ამ შეხვედრაზე ჩვენ არ მიგვიღია, - ამის შესახებ თსუ-ს რექტორმა, ჯაბა სამუშიამ განათლების მინისტრთან შეხვედრის დასრულების შემდეგ განაცხადა.
"დაახლოებით 5 საათის განმავლობაში მიდიოდა შეხვედრა განათლების მეცნიერებისა და ახალგაზრდობის მინისტრთან, ბატონ გივი მიქანაძესთან და ასევე სამინისტროს წარმომადგენლებთან. შეხვედრას ესწრებოდნენ როგორც თსუ-ს, ასევე სტუ-ს წარმომადგენლები. შეხვედრა ძალიან საინტერესოდ წარიმართა, ძალიან ბევრი საკითხი დაისვა. ჩვენის მხრიდან, თსუ-ის მხრიდან გადავეცით ის პოზიცია, რაც აქვს თსუ-ს და მის არჩევით ორგანოებს. გამოითქვა სხვადასხვა პოზიცია. ერთი რამ, რაზეც ჩვენ შეგვიძლია ცალსახად გითხრათ, რომ შევჯერდით არის ის, რომ აღნიშნული დიალოგი აუცილებლად გაგრძელდება. რაიმე კონკრეტული გადაწყვეტილება ამ შეხვედრაზე ჩვენ არ მიგვიღია - დიალოგი აუცილებლად გაგრძელდება და ვთვლით, რომ ამ დიალოგში მონაწილე მხარეებმა - თსუ-მ, ტექნიკურმა უნივერსიტეტმა, სამინისტრომ ერთობლივად მოამზადოს ის თავისი ხედვები, რომელიც საფუძვლად დაედება აი ამ პროცესს. დღეს ჩვენ ცალსახად აღვნიშნეთ, რომ ასეთი შეხვედრები შესაძლებელია მომავალ კვირასაც გაგრძელდეს", - თქვა თსუ-ის რექტორმა, ჯაბა სამუშიამ გივი მიქანაძესთან შეხვედრის შემდეგ.
