ფაშისტურმა რეჟიმმა ბანკის ანგარიშები დამიყადაღა, - ამის შესახებ სოციალურ ქსელში ლიტერატურათმცოდნე, ისტორიკოსი ლაშა ბაქრაძე წერს.
„20 000-ის ჯარიმა გასაჩივრებული მაქვს. ეტყობა რადგანაც დატერორება მოუნდათ, ახალი - ჩემთვის უცნობი ჯარიმა დამიმატეს. ასეთი ქვეყანა შეგვიქმნეს“, - წერს ლაშა ბაქრაძე.
მანამდე, საპროტესტო აქციების არაერთმა მონაწილემ სოციალურ ქსელში დაწერა, რომ საბანკო ანგარიშები დაუყადაღეს. მათი ინფორმაციით, საბანკო ანგარიშებზე ყადაღის დადება გზის გადაკეტვისთვის გამოწერილი იმ ჯარიმების გამო მოხდა, რომელთა შესახებაც არ იცოდნენ.
