გამოკითხულ უკრაინელთა 52% უსაფრთხოების გარანტიების სანაცვლოდ დონბასის რუსეთისთვის გადაცემას ეწინააღმდეგება, ხოლო 40% მხარს უჭერს.

უკრაინული მედიის ცნობით, გამოკითხვაკიევის საერთაშორისო სოციოლოგიის ინსტიტუტმა ჩაატარა.

კვლევის თანახმად, გამოკითხულთა 52% პირადად კატეგორიულად მიუღებლად მიიჩნევს მთელი დონბასის რუსეთის კონტროლის ქვეშ გადაცემას უსაფრთხოების გარანტიების სანაცვლოდ.

ამავდროულად, 40% მზადაა ასეთ დათმობაზე წავიდეს (თუმცა მათი უმეტესობა აღიარებს, რომ ეს რთული პირობაა).

ამასთან, სოციოლოგებმა აღნიშნეს, რომ იანვრის ბოლო ორი კვირის განმავლობაში, უკრაინაში მასშტაბური დაბომბვისა და ელექტროენერგიისა და გათბობის მომარაგების პრობლემების მიუხედავად, მშვიდობის ასეთი მოთხოვნის მხარდაჭერა არ გაზრდილა.

კიევის მაცხოვრებლებს შორის 59% დონბასის დათმობას კატეგორიულად მიუღებლად მიიჩნევს, ხოლო 31% მზადაა, მიიღოს იგი.

ქვეყნის დასავლეთში 57% კატეგორიულად უარყოფს, ხოლო 38% მზადაა დათანხმდეს, ცენტრალურ და ჩრდილოეთ ნაწილში - 49% და 42%, სამხრეთში - 49% და 44%, აღმოსავლეთში - 50% და 39%.

გამოკითხვა 23-დან 29 იანვრამდე ჩატარდა სატელეფონო ინტერვიუების გამოყენებით, მობილური ტელეფონის ნომრების შემთხვევითი შერჩევის საფუძველზე, უკრაინის ყველა რეგიონში, ოკუპირებული ტერიტორიების გარდა.

სულ გამოკითხული იქნა 18 წლის და უფროსი ასაკის უკრაინის 1003  მოქალაქე.

ცდომილების ზღვარი 5.8%-ს არ აღემატება.