უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინა ამერიკული მხარისგან შემდგომი შეხვედრების შესახებ დეტალურ ინფორმაციას ელის და იმედოვნებს, რომ შეხვედრები მომავალ კვირას გაიმართება.
„რუსტემ უმეროვმა დღის განმავლობაში ანგარიში გამაცნო. ჩვენ მუდმივ კომუნიკაციაში ვართ ამერიკულ მხარესთან და მათგან კონკრეტულ ინფორმაციას ველით შემდგომი შეხვედრების შესახებ. უკრაინა მზადაა ყველა სამუშაო ფორმატში იმუშაოს. მნიშვნელოვანია, რომ შედეგები და შეხვედრები იყო. მოუთმენლად ველით შეხვედრებს მომავალ კვირას, ვემზადებით,“ - განაცხადა ზელენსკიმ ვიდოემიმართვისას.
რუსეთსა და უკრაინას შორის სამშვიდობო შეთანხმების შესახებ მოლაპარაკებების ახალი რაუნდი 1-ელ თებერვალს არის დაგეგმილი. აშშ-ის სახელმწიფო მდივანმა მარკო რუბიომ განაცხადა, რომ აშშ-ის პრეზიდენტის სპეციალური წარმომადგენელი სტივ უიტკოფი და ტრამპის სიძე ჯარედ კუშნერი შეხვედრას არ დაესწრებიან, თუმცა აშშ-ის მონაწილეობა „სავარაუდოა“.
დღეს, აშშ-ში ამერიკის დელეგაციამ რუსეთის პრეზიდენტ ვლადიმირ პუტინის სპეციალურ წარმომადგენელ კირილ დმიტრიევთთან შეხვედრა გამართა.
აშშ-ის პრეზიდენტის წარმომადგენელმა სტივ უიტკოფმა 31 იანვარს გამართული შეხვედრებს „კონსტრუქციული და პროდუქტიული“ უწოდა.
