დონალდ ტრამპის დღევანდელი განცხადებები უგუნური და სახიფათოა, - ამის შეასახებ ირანის საგარეო საქმეთა მინისტრი აბას არაღჩი აცხადებს.
ირანში, ალუტის კურსის დროებითი ცვალებადობით დაზარალებულები ბოლო დროს მშვიდობიანად აპროტესტებენ, რაც მათი უფლებაა.
ამისგან განსხვავებით, ჩვენ ვიხილეთ ძალადობრივი არეულობის ცალკეული შემთხვევები, მათ შორის პოლიციის განყოფილებაზე თავდასხმები და პოლიციელებისთვის მოლოტოვის კოქტეილების სროლა”, - წერს არაღჩი.
მისი თქმით, ყველა ადამიანმა უნდა იცოდეს, რომ საჯარო საკუთრებაზე კრიმინალური თავდასხმები არ შეიძლება იყოს დაშვებული.
"სწორედ ამიტომ, პრეზიდენტ ტრამპის დღევანდელი განცხადებები, რომელზეც, სავარაუდოდ, გავლენა მოახდინეს მათ, ვისაც დიპლომატიის ეშინია ან შეცდომით მას არასაჭიროდ მიჩნევს, უგუნური და სახიფათოა.
როგორც წარსულში, ირანის დიდებული ხალხი მტკიცედ უარყოფს ნებისმიერ ჩარევას მათ შიდა საქმეებში. ანალოგიურად, ჩვენი ძლიერი შეიარაღებული ძალები მზადყოფნაშია და ზუსტად იციან, სად უნდა მიმართონ სამიზნე ირანის სუვერენიტეტის ნებისმიერი დარღვევის შემთხვევაში", - წერს არაღჩი.
დღეს ასევე განცახდება გააკეთა ირანის პარლამენტის თავმჯდომარემ, მოჰამედ ბაგერ ღალიბაფმა. მან აღნიშნა, რომ ირანის წინააღმდეგ აშშ-ის შესაძლო აგრესიის შემთხვევაში ირანი ახლო აღმოსავლეთში ამერიკულ ბაზებს დაარტყამს.
შეგახსენებთ, აშშ-ის პრეზიდენტმა დონად ტრამპმა განაცხადა, რომ თუ ირანის ხელისუფლება მშვიდობიან მომიტინგეებს ესვრის და დახოცავს, შეერთებული შტატები მათ დაეხმარება.
