ალეკო ელისაშვილის პოზიციაა, რომ მან ეს ქმედება ჩაიდინა პროტესტის გამოსახატად,- ამის შესახებ „ლელო- ძლიერი საქართველოს“ წევრის ალეკო ელისაშვილის ადვოკატმა გიორგი რეხვიაშვილმა ჟურნალისტებს დიღმის იზოლატორიდან გამოსვლის შემდეგ განუცხადა.
ადვოკატის თქმით, ელისაშვილი ერთადერთი იმას ნანობს, რომ ბოლომდე ვერ მიიყვანა საქმე - ამბობს უფლებადამცველი.
"ელისაშვილს სახეზე აღენიშნება დაზიანებები, არის სასტიკად ნაცემი. გადმოგცემთ მის პოზიციას. მან ამით პროტესტი გამოხატა უსამართლო სასამართლოს მიმართ. ცეცხლი ოლიგარქიას და ცეცხლი უსამართლო სასამართლოს - ეს სიტყვები გადმომცა. ერთადერთს იმას ნანობს, რომ რამდენიმე წამი დააკლდა საქმის ბოლომდე მისაყვანად. ანუ ეს არის მისი მხრიდან გააზრებული პროტესტსი ფორმა. მნიშვნელოვანია ის, რომ შაბათი დილსი საათები, რომ არავინ დაზიანებულიყო. უნდოდა ეჩვენებინა, როგორ იყენებს რეჟიმი სასამართლოს დიქტატურის გასამყარებლად.
რეალურად იარაღი ედო კაბურაში, ზემოდან ეცვა ჰუდი, მერე ქურთუკი და გამოყენების მცდელობაც კი არ ჰქონია. ის კადრი რაც ჩანს, ჯაჯგურის დროს ამოვარდა უბრალოდ. იარაღის გამ,ოყენებსი სურვილიც კი არ გააჩნდა მას", - ამბობს ადვოკატი.
