ათონელის სასახლესთან, 4 ოქტომბერს განვითარებულ მოვლენებთან დაკავშირებით დაკავებული კიდევ 14 პირი კვლავ პატიმრობაში რჩება.
გადაწყვეტილება მოსამართლე ვალერიან ბუგაშვილმა გამოაცხადა.
მოსამართლემ პროცესზე ადვოკატების განცხადებების საპასუხოდ, რომ მათი დაცვის ქვეშ მყოფები ციხეში ვერ მკურნალობენ განაცხადა - "ექსპერტიზის დასკვნები მოგეტანათ რომ ციხეში ვერ მკურნალობდნენ".
ცნობისთვის, ვლადიმერ გველესიანს, ზურაბ ჭავჭანიძეს, სერგო მეგრელიშვილს, გიორგი რურუას, ამირან დოლიშვილს, ანტონ ვარდანიძეს, გიორგი ქორქიას, ალექსანდრე ჩილაჩავას, გენადი კუპრეიშვილს, ლაშა ივანაძეს, ლევან ჯიქიას, სულხან ტუღუშს, ხვიჩა გოგოხიასა და რამაზ მუმლაძეს ბრალდება საქართველოს სისხლის სამართლის კოდექსის 19-222-ე მუხლის მე-2 ნაწილის “ა“ ქვეპუნქტით წარედგინათ, რაც სტრატეგიული და განსაკუთრებული მნიშვნელობის ობიექტების ხელში ჩაგდების და ბლოკირების მცდელობას გულისხმობს ჩადენილს ჯგუფურად. მათ ბრალდება სსსკ-ის 225-ე მუხლის მეორე ნაწილით აქვს წარდგენილი, რაც ჯგუფურ ძალადობაში მონაწილეობას გულისხმობს.
ფოტო: ირაკლი გედენიძე (Reuters)
