შინაგან საქმეთა მინისტრის მოადგილედ, გიორგი სახოკია დაინიშნა.
შესაბამისი ბრძანება პრემიერ-მინისტრმა, ირაკლი კობახიძემ 10 ნოემბერს გამოსცა.
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 24–ე მუხლის პირველი პუნქტის საფუძველზე, დაინიშნოს გიორგი სახოკია საქართველოს შინაგან საქმეთა მინისტრის მოადგილედ“,- აღნიშნულია დოკუმენტში.
ამასთან, 10 ნოემბრით თარიღდება პრემიერ-მინისტრის კიდევ ერთი ბრძანება, რომლის მიხედვითაც ირაკლი კობახიძის გადაწყვეტილებით, შინაგან საქმეთა მინისტრის მოადგილის თანამდებობიდან გიორგი ბუთხუზი გათავისუფლდა.
„საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 24-ე მუხლის პირველი პუნქტის საფუძველზე, გათავისუფლდეს გიორგი ბუთხუზი საქართველოს შინაგან საქმეთა მინისტრის მოადგილის თანამდებობიდან“,- ნათქვამია დოკუმენტში.
ცნობისათვის, გიორგი ბუთხუზი სანქცირებულია. მას, "ქართული ოცნების" ათეულობით წარმომადგენელთან ერთად, ქვეყანაში შესვლის აკრძალვის სანქცია მიმდინარე წლის 3 მარტს ესტონეთმა, ლიეტუვამ და ლატვიამ დაუწესა.
