უკრაინის პრეზიდენტი ვოლოდიმირ ზელენსკი აცხადებს, რომ ღიაა უკრაინაში არჩევნების ჩატარებისთვის.
კითხვაზე, მზად არის თუ არა უკრაინაში არჩევნების ჩატარებისთვის ვოლოდიმირ ზელენსკიმ დადებითად უპასუხა.
„რა თქმა უნდა, ჩვენ მზად ვართ. ჩვენ უსაფრთხოება უნდა უზრუნველვყოთ და პარლამენტში მუშაობა გვჭირდება, რადგან ომის დროს არჩევნების ჩატარება შეუძლებელია. ცეცხლის შეწყვეტა გვჭირდება, რათა ხალხმა დემოკრატიულ, ღია და ლეგალურ არჩევნებში ხმის მიცემა შეძლოს“, - განაცხადა ვოლოდიმირ ზელენსკიმ.
მისი თქმით, უკრაინას უსაფრთხოების გარანტიები სჭირდება, „სრული მშვიდობა ცაში, ხმელეთზე, ზღვაზე, რათა ხალხმა გამოხატოს თავისი ნება“ არჩევნების ჩასატარებლად. „ეს ყველაფერი კანონიერი გზით უნდა მოხდეს“, - აღნიშნა პრეზიდენტმა.
