13 ივლისს აშშ-ის პრეზიდენტ დონალდ ტრამპის მიერ უკრაინისთვის 10 მილიარდი დოლარის დახმარების პაკეტის გადაემის შესახებ გაკეთებული განცხადებიდან რამდენიმე დღეში უკრაინაში  უკვე ჩავიდა დაპირებული Patriot-ის საჰაერო თავდაცვის პირველი სისტემების რაკეტების კომლექტთან ერთად. ამის შესახებ უკრაინული მედია გამოცემა The Telegraph-ზე დაყრდნობით იუწყება.

„გერმანიასთან შეთანხმების წყალობით, Patriot-ის საზენიტო-სარაკეტო სისტემა და სხვა გამანადგურებელი რაკეტები უკვე ჩავიდა უკრაინაში“, - წერს გაზეთი.

პენტაგონმა და თეთრმა სახლმა ეს ნაბიჯი გამოიყენეს იმისათვის, რომ ევროპული ქვეყნები დაერწმუნებინათ, რისკზე წასულიყვნენ და არსებული მარაგი კიევში გაეგზავნათ ამერიკის მიერ მათ შევსებას დალოდებოდნენ.

თუმცა, ზოგიერთი ქვეყნისთვის ეს რთული ამოცანაა, იმის გათვალისწინებით, რომ Patriot-ის რაკეტების ჩანაცვლება მომავალი წლის დასაწყისამდე ვერ მოხერხდება.

ამ კვირის დასაწყისში ბერლინმა ვაშინგტონთან შეთანხმების შესახებ განაცხადა, რომელიც უკრაინაში კიდევ ხუთი სარაკეტო ბატარეის გადაცემას ითვალისწინებს.

გერმანია დაფინანსებას ორი სისტემისთვის გამოყოფს, ხოლო ნორვეგია მესამე სისტემას დააფინანსებს.