მედიის ცნობით, რუსეთის, კრასნოდარის მხარეზე დრონებით თავდასხმა განხორციელდა. აფეთქებები საკურორტო ქალაქ სოჭშიც ისმოდა.
ადგილობრივი Telegram- არხები იუწყებიან, რომ სოჭმა რუსეთსა და უკრაინას შორის მთელი სრულმასშტაბიანი ომის განმავლობაში ყველაზე მასშტაბური თავდასხმა განიცდა.
ასევე გავრცელდა ინფორმაცია დრონების ჩამოგდების შესახებ. ამავდროულად, ფედერალური ტერიტორიის სირიუსის ადმინისტრაციის ხელმძღვანელმა, დმიტრი პლიშკინმა, განაცხადა, რომ ნავთობის საცავზე დარტყმა განხორციელდა.
„ტავრიჩესკაიას ქუჩაზე ნავთობის საწყობს დაბომბეს. გთხოვთ, თავი შეიკავოთ ამ ტერიტორიაზე მანქანით ან ფეხით გადაადგილებისგან“, - დაწერა მან თავის Telegram არხზე.
ამასთან, თვითმხილველებმა რუსულ SHOT-ს განუცხადეს, რომ სოჭის სხვადასხვა ნაწილში 15-დან 20-მდე აფეთქება მოხდა.
კრასნოდარის მხარის ოპერატიული შტაბის ცნობით, დრონის ნამსხვრევების ჩამოვარდნის შედეგად ერთი ქალი დაიღუპა, მეორე კი მძიმედ დაშავდა.
