ისრაელის თავდაცვის მინისტრმა, ისრაელ კაცმა, განაცხადა, რომ ისრაელის თავდაცვის ძალებმა ირანის წინააღმდეგ ახალი იერიშები წამოიწყეს, რომლის სამიზნეც „თეირანის გულში უპრეცედენტო ძალით გახდა რეჟიმის სამიზნეები და მთავრობის რეპრესიული ორგანოები“.
ისრაელ კაცის ოფისის ცნობით, ასევე იერიში იქნა მიტანილი თეირანში მდებარე ევინის ციხეზე, სადაც ირანის რეჟიმის მოწინააღმდეგეები იმყოფებიან.
კაცმა პირობა დადო, რომ ისრაელის თავდასხმები ირანის სამიზნეებზე „სრული ძალით გაგრძელდება“, ხოლო „ირანის რეჟიმი დაისჯება ისრაელის ზურგში ყოველი გასროლისთვის“.
„ჩვენ გავაგრძელებთ მოქმედებას ზურგის დასაცავად და მტრის დასამარცხებლად მანამდე, ვიდრე ომის ყველა მიზანს არ მივაღწევთ“, - აღნიშნა კაცმა.
დღესვე, ისრაელის თავდაცვის ძალების [IDF] წარმომადგენლის თქმით, ისრაელის საჰაერო ძალებმა ირანის დასავლეთით, ქერმანშაჰში, „მიწა-მიწა“ ტიპის რაკეტების გამშვები პლატფორმები და საწყობები დაბომბეს.
მისი თქმით, ოპერაციაში 15 გამანადგურებელი მონაწილეობდა.
გარდა ამისა, ისრაელის არმიამ დასავლეთ, აღმოსავლეთ და ცენტრალურ ირანში ექვს აეროდრომს შეუტია, რის შედეგადაც 15 გამანადგურებელი და სამხედრო ვერტმფრენი განადგურდა. ასევე განადგურდა ასაფრენი ბილიკები და მიწისქვეშა ანგარები.
ამ გზით, ისრაელის სამხედრო ძალები ირანის საჰაერო სივრცეზე კონტროლის გაფართოებას ცდილობენ.
IDF-ის განცხადებით, ისრაელის არმია „აგრძელებს ძალისხმევას ირანის რეჟიმის სამხედრო შესაძლებლობების შესუსტების მიზნით“.
პარალელურად, ირანული მედია იუწყება, რომ ისრაელის საჰაერო დარტყმების შედეგად თეირანში ელექტროენერგია გაითიშა.
ირანის საინფორმაციო სააგენტო „ტასნიმის“ ცნობით, ისრაელმა ფორდოს ურანის გამდიდრების ქარხანას დაარტყა, რომელსაც წინა დღეს შეერთებულმა შტატები დაესხა თავს.
ფორდოზე ისრაელის დარტყმის შესახებ IDF-ს განცხადება არ გაუკეთებია.
ირანის სახელმწიფო მედია ასევე იტყობინება აფეთქებების შესახებ თეირანსა და ქალაქ ქარაჯში, ასევე ირანის დედაქალაქთან ახლოს მდებარე პაჯამის სამხედრო აეროდრომზე.
ამავდროულად, გავრცელდა ინფორმაცია, რომ დარტყმა განხორციელდა სახელმწიფო ტელეარხ IRIB-ის შენობაზე. „ტასნიმმა“ დაადასტურა თავდასხმა. ევინის ციხეზე
ირანის სახელმწიფო სააგენტოს ცნობით, შენობა დაზიანდა, თუმცა სიტუაცია კონტროლს ექვემდებარება.
