უკრაინის პრეზიდენტი ვოლოდიმირ ზელენსკი მიიჩნევს, რომ უკრაინის საკითხი აშშ-სა და რუსეთს შორის მოლაპარაკებებში მისი მონაწილეობის გარეშე არ უნდა განიხილებოდეს.
ამის შესახებ ზელენსკიმ Newsmax-თან ინტერვიუში ისაუბრა.
ზელენსკიმ აღნიშნა, რომ მას არ შეუძლია, შეერთებულ შტატებს მიუთითო, თუ როგორ აწარმოოს დიალოგი რუსეთთან.
„მაგრამ მე ვფიქრობ, რომ პუტინს არ სურს ომის დასრულება და საბოლოოდ ის ტრამპს მოატყუებს. თქვენ ამას ნახავთ, ყველა, მთელი მსოფლიო დაინახავს.
ის ასეთი ადამიანია. და ის მზადაა გარკვეული ნაბიჯებისთვის, დეესკალაციისთვის, მხოლოდ იმ შემთხვევაში, თუ ძლიერი ზეწოლის ქვეშ იქნება. სხვა გზა არ არსებობს,“ - აღნიშნა ზელენსკიმ.
ამასთან, უკრაინის პრეზიდენტმა განაცხადა, რომ არასწორად მიიჩნევს ასეთ მოლაპარაკებებში უკრაინის საკითხის განხილვას მისი მონაწილეობის გარეშე.
„მე ვფიქრობ, რომ უკრაინაზე უკრაინის გარეშე საუბარი არასწორია, უკრაინაზე საუბარი და ზოგიერთი საკითხის ჩვენს გარეშე გადაწყვეტა - მე ვფიქრობ, რომ ეს უსამართლოა“, - აღნიშნა ზელენსკიმ.
