საქართველოში ნორვეგიის ელჩი, ბერგლიოტ ჰოვლანდი კოალიცია "ცვლილებისთვის" ლიდერის, ზურაბ ჯაფარიძის დაპატიმრებასთან დაკავშირებით ღრმა შეშფოთებას გამოთქვამს.
"ნორვეგია ღრმად შეშფოთებულია ოპოზიციაზე საქართველოს ხელისუფლების ზეწოლით, მათ შორის ზურაბ ჯაფარიძის მსგავსი ოპოზიციონერი ლიდერების დაპატიმრებებით, პოლიტიკური პარტიების ამკრძალავი რეპრესიული კანონებით. დემოკრატიაზე ეს თავდასხმა მიუღებელია. საქართველო შემაშფოთებელ გზაჯვარედინზე დგას”, - წერს პლატფორმა X-ზე საქართველოში ნორვეგიის ელჩი, ბერგლიოტ ჰოვლანდი.
