ქვეყანაში ჩამოყალიბებული დიქტატურაა ერთი გიჟი ადამიანის, რომელსაც უკან რუსეთი უდგას, - ამის შესახებ "ერთიანობა ნაციონალური მოძრაობის" წევრმა გიგი უგულავამ განაცხადა. მისი თქმით, რეჟიმი, რომელიც ქვეყანას მართავს, საშიშია და მათგან კიდევ უფრო მეტ ველურობას უნდა ველოდოთ.
"ქვეყანაში ჩამოყალიბებული დიქტატურაა ერთი გიჟი ადამიანის, რომელსაც უკან რუსეთი უდგას. ეს რეჟიმი არის საშიში, იმიტომ, რომ მას სათავეში უდგას ორი გიჟი და აღარანაირი მუხრუჭი ქვეყანაში აღარ არსებობს, ამიტომ მე რასაც ველოდები ამათგან, არის კიდევ უფრო მეტი ველურობა. ეს ეტაპი თავის შედეგს მოიტანს - კიდევ უფრო მეტ იზოლაციას, კიდევ უფრო მეტ სანქციას და კიდევ უფრო მეტ გაღიზიანებას საზოგადოების. ჩვენი ამოცანაა გამარჯვება, ამათი ქვეყნის სადავეებიდან ჩამოშორება და მოცილება", - განუცხადა გიგი უგულავამ "ტვ პირველს".
