უახლოესი 2 წლის განმავლობაში სვანეთში დამატებით 10 ტრასა აშენდება.
ამის შესახებ განცხადებას ეკონომიკისა და მდგრადი განვითარების მინისტრი ვერა ქობალია აკეთებს.
მინისტრის თქმით, მესტიაში მრავალი სათხილამურო ტრასა უნდა აშენდეს, რაშიც მნიშვნელოვანი იქნება, როგორც სახელმწიფოს ასევე კერძო სექტორის ჩართულობა. მინისტრი აცხადებს, რომ ამ მიმართულებით ეკონომიკისა და მდგრადი განვითარების სამინისტრო ინვესტორებთან ინტენსიურად მუშაობს.
"ვერა ქობალიას განმარტებით, ყველაფერი უნდა გაკეთდეს იმისათვის, რათა ის პოტენციალი, რომელიც საქართველოს ტურიზმის მიმართულებით აქვს მაქსიმალურად იყოს ათვისებული.
"ჩვენ ვიცით, რომ ტურიზმის სექტორში ძალიან ბევრი სამუშაო ადგილის შექმნა შეგვიძლია. მაგალითად მოვიტან ხორვატიას, სადაც 5 წლის განმავლობაში მოეწყო უამრავი ტურისტული ზონები და ტურისტული ცენტრები. ხორვატიაში ყოველი მეათე ადამიანი დასაქმებულია სასტუმროში ან მუშაობს ისეთ სექტორში, რომელიც ტურიზმთანაა დაკავშირებული", - განაცხადა ვერა ქობალიამ.
მინისტრის თქმით, საბჭოთა კავშირის დროს საქართველოში იყო ისეთი ადგილები, რომლებიც ტურუსტულად არ იყო ათვისებული და დღეს ჩვენ ვცდილობთ, რომ ეს პოტენციალი ავითვისოთ.