27 იანვარს გორში, სოფელ ხელთუბანში მეფრინველეობის ახალ მინი-ფაბრიკა გაიხსნება.
მინი-ფაბრიკა გათვლილია 2 თვიანი ციკლით 8000 ქათმის გაზრდაზე სადაც დასაქმდება 15 ადგილობრივი მოსახლე.
პროექტის ფარგლებში შეიქმნა სათემო ორგანიზაცია, რომელიც აერთიანებს 20 ოჯახს, რომლის ოჯახის წევრებიც იქნებიან დასაქმებულნი მინი-ფაბრიკაში. სათემო ორგანიზაციის წევრებს ჩაუტარდებათ სხვადასხვა სახის ტრეინინგები, რომლებიც ხელს შეუწყობს ხარისხიანი პროდუქციის შექმნას, პროდუქციის რეალიზაციას და ორგანიზაციის სიცოცხლისუნარიანობას.
ქათმის საკვებისათვის საჭირო ნედლეული, კერძოდ სიმინდი, შეძენილი იქნება ახლომდებარე ბერბუკის ახალ ჩასახლებაში მცხოვრებ დევნილებისგან, რაც საშუალებას მისცემს დევნილებს გაზარდონ მათი შემოსავალი.
აღნიშნული პროექტი გაეროს ლტოლვილთა უმაღლესი კომისრის წარმომადგენლობამ საქართველოში, მისი პარტნიორი ორგანიზაციის - საერთაშორისო დახმარებისა და განვითარების სააგენტოს მეშვეობით, განახორციელა.
შეგახსენებთ, რომ გაეროს ლტოლვილთა უმაღლესი კომისარის წარმომადგენლობა საქართველოში, ახორციელებს დაახლოებით 355,000 ადამიანის სამართლებრივ დაცვას და მათი პრობლემების გრძელვადიანი გადაჭრის საშუალებათა გამონახვას, რაც მოიცავს 350,000 ქვეყნის შიგნით იძულებით გადაადგილებულ პირებს, 1,600 სტატუსის არმქონე პირებს და დაახლოებით 1000 ლტოლვილს.
მეფრინველეობის ახალ მინი-ფაბრიკა გორში, სოფელ ხელთუბანში, 27 იანვარს 15:00 საათზე გაიხსნება.