65 წლის ასაკში ამერიკელი მსახიობი ველ კილმერი გარდაიცვალა. სიკვდილის მიზეზი პნევმონია გახდა.

მსახიობს 2014 წელს ყელის კიბოს დიაგნოზი დაუსვეს, რისგანაც მოგვიანებით განიკურნა, თუმცა ტრაქეოტომიამ მას ხმის იოგები დაუზიანა, რის გამოც კილმერს მსახიობის კარიერის დასრულება მოუწია. ამის მიუხედავად, ის 2022 წელს ტომ კრუზთან ერთად კვლავ გამოჩნდა ფილმში „საუკეთესო მსროლელი: მევერიკი“.

2021 წელს კილმერის შესახებ გამოვიდა დოკუმენტური ფილმი Val, ემოციურმა სურათმა მსახიობის ცხოვრების შესახებ დადებითი შეფასებები მიიღო. 

2022 წელს მსახიობი ბოლო კინოროლი Top Gun 2-ში შეასრულა.

თითქმის 40-წლიანი კარიერის განმავლობაში მსახიობს არც ერთი მსხვილი კინოდაჯილდოების ნომინაცია არ მიუღია, მიუხედავად ამისა, მისი ფილმოგრაფია გაჯერებულია საკულტო ფილმებითა და პოპულარული როლებით.

ველ კილმერი ცნობილია 1980-1990-იან წლებში მის მიერ შესრულებული არაერთი როლით. მათ შორის, მან განასახიერა ლეგენდარული მუსიკოსი ჯიმ მორისონი „დორსში“, პარტნიორობა გაუწია რობერტ დე ნიროსა და ალ პაჩინოს ფილმში „შერკინება“, ითამაშა მაიკლ კიტონთან ერთად ფილმში „ბეტმენი სამუდამოდ“. საერთო ჯამში, მის ფილმოგრაფიაში 100-ზე მეტი შესრულებული როლია.