ევროსაბჭოში შვეიცარიის დელეგაციამ რუსეთის მიერ ვალდებულებების შესრულების თაობაზე ინდივიდუალური მოხსენება არ მოამზადა.
მოხსენება ევროსაბჭოს მონიტორინგის კომიტეტის გუშინდელ სხდომაზე უნდა განხილულიყო, თუმცა შვეიცარიის დელეგაციის წარმომადგენელი ანდრიას გროსი, რომელიც ორგანიზაციაში რუსეთის ინტერესების გამტარებლად მიიჩნევა, დეპუტატების წინაშე მხოლოდ ზეპირი მოხსენებით წარსდგა.
"სამწუხაროდ, აქ არიან დეპუტატები, რომლებიც პირადი მოსაზრებიდან გამომდინარე ცდილობენ თვალები დახუჭონ იმ პრინციპულ ღირებულებებზე, რომელიც ევროსაბჭოს საფუძვლად უდევს და უპირატესობა მიანიჭონ რაღაც პოლიტიკური სარგებლის მიღებას", - განუცხადა ჟურნალისტებს ევროსაბჭოში საქართველოს დელეგაციის წარმომადგენელმა, დეპუტატმა ჩიორა თაქთაქიშვილმა.
რუსეთის ვალდებულებების შესრულების შესახებ ინდივიდუალური მოხსენება სავარაუდოდ, გაზაფხულისთვის მომზადდება. აღსანიშნავია, რომ ეს არის უპრეცენდენტო შემთხვევა ევროსაბჭოს ისტორიაში, როცა 5 წლის განმავლობაში რომელიმე ქვეყნის შესახებ ინდივიდუალური მოხსენება არ მომზადებულა.
შეგახსენებთ, რომ გასულ წელს, როცა ქართულმა მხარემ ორგანიზაციას დღის წესრიგში რუსეთისთვის ხმის უფლების ჩამორთმევა დაეყენებინა, მოსკოვის გამამართლებელი მოხსენება ზუსტად ერთ დღეში სწორედ ანდრია გროსმა მოამზადა.
